152 миллион бала құлдықта екен

Қазір әлемде 152 миллион құл бала бар. Бұл туралы БҰҰ-ның құлдықтың қазіргі заманғы түрлері бойынша арнайы баяндамашысы Урмила Бхоола мәлімдеді, деп хабарлайды ТАСС.

Оның зерттеуінде айтылғандай, кәмелетке толмағандардың арасында 64 миллион қыз және 88 миллион ұл бала бар екен. Олардың жартысына жуығының жас мөлшері 5 пен 11-дің арасында.

Жалпы алғанда, әлемде он баланың біреуі, ал ең аз дамыған елдерде бұл көрсеткіш әлдеқайда жоғары — 5-тен 17 жасқа дейінгі әрбір төртінші бала құлдықта жүр.