Обаманың құрметіне Трамп мұнарасы тұрған көше атауын өзгерту үшін 107 мың адам петицияға қол қойды

Олар 56-ші және 57-ші көше арасындағы бесінші авеню учаскесіне АҚШ-тың 44-ші Президентінің атын беруді ұсынады. Дәл осы жерде Trump Tower мұнарасы орналасқан, онда Trump Organization мемлекет басшысының компаниялар тобының штаб-пәтері және 2016 жылы сайлауалды штабы орналасқан.

Ұсыныс осы жылы Лос-Анджелестің оңтүстік-батысындағы жол учаскесіне Обаманың есімі берілуімен негізделген. Петицияда «Біз Нью-Йорк қаласының мэрі мен қалалық кеңестен халқымызды Ұлы депрессиядан құтқару, екі президенттік мерзімі дау-дамайсыз өткен, Нью-Йорктегі 3 мыңнан астам адамның өмірін әкеткен 11 қыркүйектегі шабуылдардың жетекшісі Усама бен Ладенді жою сияқты көптеген жетістіктерінің негізінде бұрынғы президентті құрметтеу үшін Бесінші авеню атауын оның атымен өзгертуді талап етеміз» деп айтылған.

Оның авторы – Элизабет Роуин, ол Обама әкімшілігінің кемшіліктерін қатаң сынаудан жалықпайтын Дональд Трампты ашуландырғысы келгенін мойындайды.

- Мен Трамп (Бесінші авенюдің бір бөлігін) Обаманың есімімен аталатын болса, оның қалай ашулатыны туралы әзіл естідім. Неге солай болмасқа деп ойладым..., - деді Newsweek журналына берген сұхбатында. Роуин сәрсенбіде петициямен қойылған қолдардың санын 125 мыңға дейін жеткізу деген жаңа мақсат қойды.

ABC телекомпаниясы түсіндіргендей, бұл идеяның жүзеге асуы екіталай. Себебі Нью-Йорк ережелеріне сәйкес, қалалық көшелер мен алаңдарға өтінім түскенге дейін кемінде екі жыл бұрын қайтыс болған адамдардың аты беріледі.

news.rambler.ru