Сауд Арабиясы АҚШ-ты сатып кетті

Сауд Арабиясы бір жыл ішінде Қытайға шикі мұнай жеткізуді екі есеге ұлғайтып, АҚШ-қа шикі мұнай жіберуді үштен екі есеге дейін қысқартып тастады. Бұл туралы CNBC танкерлердің қозғалысын қадағалайтын Tanker Trackers сервисіне сілтеме жасап хабарлайды.

Басылым мәліметінше, ағымдағы жылдың шілде айында Сауд Арабиясы Қытайға 2018 жылдың тамыз айындағы 921 811 баррельмен салыстырғанда тәулігіне 1 802 788 баррель мұнай жеткізді. АҚШ-қа экспорт төмендеді: шілде айында Құрама Штаттарға тәулігіне 262 053 баррель жеткізген, бұл өткен жылдың тамызына қарағанда 62 пайызға аз (тәулігіне 687 946 баррель).

Бұған Иран мұнайына қатысты америкалық санкциялар себеп болды. Шектеу енгізілгеннен кейін Ираннан шикізат сатып алған Қытай тапшылықты толтыру үшін басқа көздерден жеткізілімдерді ұлғайтуға мәжбүр болды.