Ресей шекарадан өтетін жеміс-жидектерге қойылатын талаптарды күшейтті

Нақтырақ айтсақ, Ресейдің ауыл шаруашылық қадағалау қызметі шекарадан өтпек болған азаматтарға 5 келіден артық жеміс-жидек пен көкөніс, 3 бумадан артық гүл алып өтуге тыйым салынып отыр, деп хабарлайды Bugin.kz тәуелсіз авторлар платформасы Tass-қа сілтеме жасап.

Ал ол көлемнен көп жеміс-жидек алып өту үшін фитосанитарлық сертификат қажет. Мұндай құжат болмаған жағдайда шекараға келген жеміс-жидектер кері қайтарылады не сол жерде жойылады.

Мұндай шектеу жеміс-жидектермен қатар қылқан жапырақты ағаштарға да енгізіліп отыр. Автокөлікпен бірге, пойыз және кемемен, ұшақпен қатынаған жолаушылар да жоғарыда аталған көлемнен артық жүкті қол сөмкемен алып өте алмайды.