Мұғалім болғысы келетін түлектер азайып барады

Әсіресе, аймаққа математика, физика және ағылшын тілінің мұғалімдері жетпей жатыр. Сондықтан жергілікті билік бұл мамандарды көбейту үшін арнайы білім беру гранттарын да көбейткен. Алайда оған тегін оқуға түскісі келетіндер табылмай отыр.

- Сұранысқа байланысты грант санын көбейткен болатынбыз. Бірақ мұның әсері аз болып отыр. Әсіресе, бізге қажетті математика және физика мұғалімі мамандықтарына оқуға тапсыратындар аз. Сондай-ақ, өсімдік өсіру, мал өсіру, ветеринария мен қала құрылысын жоспарлау мамандықтарына тапсырушылар да аз, - дейді ШҚО Білім басқармасының басшысы Сайрангүл Жұмаділова.

Сонымен бірге биология, химия, қазақ тілі мен шет тілі мұғалімдерін даярлауға сұраныс артты. Бірақ түлектердің көбі дене шынықтыру мұғаліміне оқуға түсуді «жақсы көреді».

- Біздің университеттерімізде кәсіби бағдарлау жұмыстары нашар жүргізілді деп санаймын, - деді ШҚО әкімінің орынбасары Әсем Нүсіпова. - Олар үміткерлер үшін күреспейді, аудандарға бармайды және түлектер туралы ақпарат бермейді.

Устинка Live