Алматы әкімінің орынбасары тағайындалды

ҚР Президенті Әкімшілігінің келісімі бойынша Ерлан Қожағапанов қала әкімінің орынбасары болып тағайындалды.

Ерлан Қожағапанов 1968 жылы туған. 1992 жылы Қарағанды мемлекеттік университетін "Экономика" мамандығы бойынша, ал 1999 жылы – "Қаржы" мамандығы бойынша Алматы мемлекеттік университетін бітірген. 2006 жылы Ресей Федерациясы Мемлекеттік кеден комитетінің Ресей кеден академиясын заңгер мамандығы бойынша бітірді. 1987-1989 жылдары КСРО Қарулы Күштерінде қызмет етті.

1990 жылдан 1994 жылға дейін кәсіпкерлік қызметпен айналысты.

1994 жылдан 2007 жылға дейін мемлекеттік органдар мен кәсіпорындарда жұмыс істеді.

2007-2013 жылдар аралығында Астана қаласы әкімінің орынбасары қызметін атқарды.

2013-2016 жылдары – ҚР Спорт және дене шынықтыру істері агенттігінің төрағасы, ҚР Футбол федерациясының президенті.

2016 жылдан бастап 2017 жылға дейін ҚР Премьер-министрінің кеңесшісі қызметін атқарды.

2017 жылдан ҚР Мәдениет және спорт вице-министрі.

Ал Ерлан Әукенов өз еркімен қызметінен кетті.