17 мемлекет Ресейге қарыз

Ресейдің RBC жаңалықтар сайты мәлімдегендей, он жеті мемлекет Ресейге барлығы 27 миллиард доллар қарыз.

Ресейдің Қаржы министрлігі биыл 25 мемлекет пен басқа заңды тұлғалардың Ресейге 39,4 миллиард доллар қарызы бар деп есептейді, оның ішінде мемлекеттік облигациялар арқылы берілгені де бар. Ресей экспортты қаржыландыру және несиелік бағдарламалар туралы мәліметтерді мемлекеттік құпия ретінде жіктейді.

Канада Корольдік банкінің дүйсенбіде шығарған есептеулері  бойынша, Беларуссия ресей борышкерінің көшбасшысы болып қала береді, Ресейге қарызы 7,5 млрд. долларды құрайды. Ресей Беларуссияның осы жазда қарызды қайта қаржыландыру туралы өтінішін қабылдамаған болатын.

Украина - Ресейге қарызы бойынша екінші орында тұрған мемлекет және олардың шығыс көршілеріне 3,7 миллиард доллар берешек.

RBC хабарлауынша, Венесуэла Ресейден 3,5 миллиард доллар қарыз алған екен. Куба Ресейден 3,2 миллиард доллар қарыз алған, одан кейін 2 миллиард доллармен Бангладеш, сосын 1,8 миллиард доллармен Кипр, ары қарай 1,1 миллиард доллармен Үндістан және 1 миллиард доллармен Йемен тұр.

Қытай, Марокко және шетелдік мемлекеттік кәсіпорындар Ресейге 13 миллиард доллар қарыз болуы мүмкін. Қытай мен Марокко екі жақты несие берушілерін жарияламағандықтан әрі Ресей үкіметінің статистикасында шетелдік компанияларға берілген несиелер жоқ болғандықтан, аталмыш экспорт түрлері тараптардың алған қарызының нақты мөлшерін анықтай алмайды.

RBC статистикасына АҚШ және Ұлыбритания сияқты елдер шығарған Ресейдің мемлекеттік облигациялары кірмейді.