Алматы альпинизм федерациясы: Өтепбаев пен Корнеевті тірідей табу мүмкіндігі жоқ

Алматының альпинизм федерациясы Мұрат Өтепбаев пен Андрей Корнеевті тірідей іздеудің мүмкін еместігін мойындады.

- Біз Мұрат Өтепбаев пен Андрей Корнеевті тірідей табу мүмкіндігінің жоқтығына өкінеміз. Осыған қарамастан, қазақстандық тарап тағы бір бақылау рейсін жасайды, содан кейін іздеу-құтқару жұмыстары аяқталады. Александра Чечулиннің, Мұрат Өтепбаев пен Андрей Корнеевтің барлық туыстары мен достарына көңіл айтамыз. Бұл - қазақстандық альпинизм үшін үлкен қайғы, - делінген федерацияның Facebook парақшасында.

Қазақстандық альпинизм және спорттық альпинизм федерациясының бас хатшысы Қазбек Валиев хабар-ошарсыз кеткендерді іздеуге өзі де ат салысып жүр. Бүгін тікұшақ 8 бұрылысты аяқтады. Жабайы асуының барлық беткейі, 6500-ден 4200-ге дейінгі альпинистердің шығатын жері мұқият тексерілді. Жоғалған альпинистерді іздеу аймағы анықталды.

15 тамызда, шамамен сағат 08:15-те альпинистер соңғы рет хабарласып, не болғандығы туралы белгі берген болатын. Сонымен қатар, олар А.Чечулиннің өлімі туралы хабарлаған. Алдын ала мәліметтер бойынша, Чечулин өкпе ісінуінен қайтыс болған.

Дабыл түскен кезде альпинистер 6900 метр биіктікте болған. Шатырлар мен құрал-жабдықтар желмен ұшып кеткен. Сондай-ақ олар қар шұңқырын қазып, оған пана тапқандарын хабарлаған болатын.

 BNews.kz