Трамп Apple компаниясын Қытайдан кетуге шақырды

АҚШ президенті Дональд Трамп америкалық Apple корпорациясына Қытайдан кетуі тиіс деп мәлімдеді.

- Мен Apple сияқты америкалық компанияларға көмектескім келеді. Егер мен оларға көмектеспесем, оларда үлкен проблемалар туындауы мүмкін, - деді Трамп Румыния президенті Клаус Иоганниспен кездесуінде.

Сондай-ақ, Трамп өндірістің Қытайдан шығуына байланысты ел үлкен шығынға ұшырайтынын айтады.

- Қытай өте қысқа мерзімде 2 миллионға жуық жұмыс орындарынан айырылды. Олар бұдан да көп жұмыс орындарын жоғалтатын болады, - деді ол.

Трамп бұған дейін Қытаймен сауда соғысы қысқа мерзімді және АҚШ экономикасының құлдырауына алып келмейтіндігін айтқан еді.