Англияның банк басшысы долларға тәуелді болмауға шақырды

Вашингтон мен Пекин арасындағы сауда соғысы валюталық резервті АҚШ долларымен сақтап отырған елдерге де қауіп төндіруде, деп мәлімдеді Англия банкінің басшысы CNBC телеарнасына берген сұхбатында. 

Оның ойынша, егер АҚШ экономикасы құлдырайтын болса, онда валюталық резерв те құнсызданбақ. Соның кесірінен АҚШ долларымен ұлттық қорын құрып отырған елдер шығынға батпақ.

Содан автокөлік өнеркәсібі, болат және технология салалары табыстан құр қалуы мүмкін.

Соған орай, Карни доллардың орнына жаңа электрондық валюта құрып, соны қолдануды ұсынып отыр.

- Көп полярлы әлемде көп полярлы валюта қажет, - деді Карни телеарнаға берген сұхбатында.