АҚШ санкциялары Ресей мен Қытайды жақындастыруда

Бір қарағанда, АҚШ-тың Иран мен Венесуэлаға қарсы санкциялары өте тиімді болып көрінеді, бірақ олар Ресей мен Қытайдың жақындасуына ықпал етуі мүмкін, деп мәлімдейді сыртқы саясат жөніндегі маман Дэниэл Депетрис «The National Interest»-ке жазған мақаласында. Депетристің пайымдауынша, «кішігірім» державаларға қысым жасау арқылы АҚШ-тың негізгі қарсыластарын жоғарылату мен жақындатуының қажеті жоқ.

Экономикалық санкциялар Вашингтонның сыртқы саясатының үнемі қолданылатын құралына айналып барады. Азаматтардың Құрама Штаттарға кіруіне тыйым салу, АҚШ юрисдикциясындағы активтерді тоқтатып, шетелдік компаниялардың АҚШ қаржы жүйесіне қол жеткізуін жабу – мұның бәрі америкалық саясаткерлер үшін өте қарапайым қадамдар. Ал Ақ үйдің басшысы Дональд Трамп сакнцияның нағыз табынушысына айналып барады. Мәселен, Gibson Dunn заң компаниясының есептеуінше, Президент лауазымында Трамптың алғашқы жылы ғана енгізген санкцияларының саны 30%-ға артқан.

Дегенмен, мақаланың авторы мұндай саясаттың кері әсері де бар екенін еске салады. Өйткені санкцияның соңы АҚШ қарсыластарының бір-бірімен күш қосуына әкеп соғуы мүмкін. Ал Трамптың Иран мен Венесуэалаға қарсы шектеулер қоюы Ресеймен және Қытаймен бәсекелес болғысы келетін ниеті ғана.

Иранның және Венесуэланың мұнай саласына қарсы санкциялар екі елдің экономикасына нұқсан келтіреді: Иран мен Венесуэла мұнайы нарыққа аз түскен сайын, олардың үкіметтеріне аз ақша түседі. Теңдеудің бұл бөлігі жоспарланған түрде жұмыс істейді деп жазады Депетрис. Сонымен, Тегеранның мұнай экспорты 2018 жылдың сәуірінен бастап күніне 2,4 миллион баррельге 100 мыңға дейін азайды. Венесуэлада бірқатар компаниялар, мысалы, Қытай ұлттық мұнай-газ корпорациясы Венесуэла мұнай кәсіпорындарымен ынтымақтастықтан бас тартты.

Алайда мұндай санкциялардың шығыны да айтарлықтай: олар қарапайым ирандықтар мен венесуэлалықтардың өмірін қиындатып қана қоймай, сонымен қатар Ресейге нарықтағы бос орынды толтырып, Қытаймен байланысты нығайтуға жаңа мүмкіндіктер ашады.

Пекин Тегеран мен Каракастан әлі де мұнай сатып алып жатса да, америкалық санкциялар Қытай үкіметіне Мәскеуден мұнай сатып алуға жүгінуге мәжбүр етеді. Автор Иран мен Венесуэлаға шектеу шараларын енгізу аясында Ресей мұнайына деген сұраныс бүкіл әлемде өсіп отырғанын айтады.

The National Interest-ке берген мақаласында Депетрис Трамп әкімшілігін Вашингтонға антикоммуникациялық негізгі блокты құруға көмектесетін болса, «кішігірім» державаларға қысым жасау қажет пе, жоқ па деп ойлануға шақырады.

RT.Com