«Болашақ» стипендиясының игерлері белгілі болды

Қазақстандықтар магистратура және докторантура бойынша әлемдік үздік жоғары оқу орындарында білім алады

«Болашақ» халықаралық стипендиясына 188 үміткер ие болды.  Шешім республикалық комиссия отырысында қабылданды. Комиссия жұмысына мемлекеттік хатшы Марат Тәжин төрағалық етті.  

"Комиссия отырысының шешімі бойынша "Болашақ" стипендиясы 188 үміткерге берілді. Олар магистратура және докторантура бойынша білім алады",- деп жазылған президенттің ресми сайтында.

"Халықаралық бағдарламалар орталығы" АҚ стипендия иегерлері әлемдік ғылыми және өндірістік орталықтарға тағылымдамаға да жіберілетінін айтты.

"Болашақ"  халықаралық стипендиясын 1993 жылдың 5 қарашасында Қазақстанның тұңғыш президенті Нұрсұлтан Назарбаев тағайындаған болатын. Бағдарламаның мақсаты – білікті мамандар даярлау.