АҚШ сенаторлары Ресейге кіре алмағанына наразы

Екі америкалық сенатор Рон Джонсон мен Крис Мерфи олардың Мәскеуге сапарын үзгені үшін ресейлік билікті сынға алды. Саясаткерлердің айтуынша, оларға виза берілмей қойған. Алайда АҚШ-тағы Ресей елшілігінің хабарлауынша, олар виза алуға өтініш бермеген, деп хабарлайды USA Today.

Ресей елге баруды жоспарлап отырған екі сенаторға «виза беруден бас тартты». Осы «ерекше қыңырлықтың» салдарынан заң шығарушылар Мәскеуге жоспарланған сапардан бас тартуға мәжбүр болды.

Басылымның мәліметінше, сенаторлар - висконсиндік республикашыл Рон Джонсон және Коннектикут штатының демократы Крис Мерфи - Кремльдің шешімін «контрпродуктивті» және «ұсақшыл» деп айыптады.

- Ресей билігі біздің сапарымызға тосқауыл қою арқылы одан да әрі оқшаулана түспек. Бұл екі ел арасындағы нәзік қатынастар үшін қауіпті сәт. Ресейдің диалогқа мүдделі емес екендігі өкінішті, - деді Мёрфи.

Джонсон Мәскеудің қадамын «кішігірім қорлау» деп жариялап, Вашингтонның Мәскеумен қарым-қатынасын нығайтуға көмектесетін «Ресей парламентімен тікелей диалогқа» сенгенін мойындады. Оның орнына, оның айтуынша, Путин үкіметі «осы шынайы сезімімен дипломатиялық ойын ойнауға шешім қабылдады» және оның Ресейге кіруіне тыйым салды.

Ресейдің Вашингтондағы елшілігі Джонсонды сынаған мәлімдеме таратты. Департамент өкілдері заң шығарушыны «Руссофоб» деп атады және ол виза алуға өтініш бермегенін мәлімдеді.

- Сенатор Джонсонның Ресей атына айып тағуына ешқандай күмән жоқ – ол диалогқа емес, конфронтацияға әзірленген,- делінген АҚШ-тағы Ресей Елшілігінің хабарламасында.