Қазақстанда ядролық сынақтан жапа шеккендерге 3 мың теңгеден төленуде

Ядролық сынақтан жапа шеккендерге биыл 2924 теңге өтемақы төлеу туралы шешім қабылданған болатын. Ал ондай куәлікті алғандардың саны 5700 адамнан асады, деп хабарлайды Bugin.kz тәуелсіз авторлар платформасы Азаматтарға арналған үкімет порталына сілтеме жасап. 

Зардап шеккендерге берілетін өтемақы мөлшері радиациялық қауіп аймақтарына қарай бөлінеді. 

Аталған біржолғы өтемақыны алу үшін сынақ салдарынан зардап шеккен аймақта тұрғандар тіркеуден өтіп, тиісті куәлік алуы тиіс. Бұл үшін мемлекеттік корпорацияның фронт-офисіне жүгіну қажет. Қызметті алу үшін азаматтар өтініш жазып, төл құжат көшірмесін, мекенжай анықтамасын, банктегі шотының нөмірін, сондай-ақ 1949-1990 жж. ядролық сынақтар өткен аймақта тұру фактісін растайтын құжаттарын өткізеді.