Неміс БАҚ-тары: Неміс әскеріне аяқ киім жетпей жатыр

Неміс әскеріне ең қажетті деген нәрселердің өзі жетпей жатыр, мәселен, әскери аяқ киімдердің азайғаны байқалады. Бұл туралы Die Welt хабарлады.

Материал авторы Бундесвердің құрал жабдықтары қатты ескіргенін айтады. Ол қорғанысқа мұндай дайындығын шартты деп атады, сонымен бірге «ұшақтар ұшпайды, танктер жүрмейді, мылтық атпайды» деді.

Басылым сонымен бірге Бундесверге жеткізілімнің кешігуі туралы да хабарлады. Қарапайым әскери жиынтықта екі жұп ауыр етік және бір жұп жеңіл етік болады. Бірақ неміс сарбаздарының 183 мыңына бір жұп ауыр етік берілсе, 31 мың жауынгерге жеңіл етік қана берілген. Яғни, толық қамтамасыз етіліп отырған жоқ.

Қазіргі уақытта неміс армиясы үлкен қиындықтарды бастан кешуде. Атап айтқанда, ұшқыштар ұшу жаттығуларының сапасының төмендегеніне, флоттың қаржыландырылуының төмендегеніне, «Жолбарыс» әскери тікұшақтарының жұмысы тоқтатылғанына шағымданады.