3 мың доллар тұратын шаурма

Израильге барған турист шаурма сатып аламын деп қомақты қаржысынан айырылып қалды. Яғни, еврей елінде туристерді алдаудың транзакциялық жолдары пайда болған. Бұл туралы Times of Israel басылымы хабарлайды.

Жергілікті алаяқтар шаурма сатып алған туристтің банк картасынан 10,1 мың шекель (2,8 мың доллар) ақшаны «тартып алған».

Мұны турист банк мекемесінің транзакцияның қате жасалғанын айтқанда ғана білген.

Мұндай дәмхананың бұрынғы қызметерлерінің бірі мұндай жағдайлар туристерді алдау схемасының бір бөлігі болып табылатындығын айтты.

- Оларда мәзір жоқ. Олар шаурма табақшасы үшін 80 шекель сұрайды және оларды еуро немесе доллармен өндіріп алады, — деді ол.

Бір қызығы туристер мұндай алаяқтыққа тап болса да, құқық қорғау органдарына хабар бермейтін көрінеді.