Шойгу: "Орталық-2019" штабының ешкімге қарсылығы жоқ

128 мың әскери қызметші, 20 мыңнан астам техника мен қару-жарақ, 600 ұшу аппараты мен 15 кемеге дейін жұмылдырылатын "Орталық-2019" стратегиялық командалық-штабтық оқу-жаттығулары басқа елдерге қарсы бағытталмаған және тек терроризмнің алдын алу үшін жасалып жатыр. Бұл туралы бүгін, РФ Қорғаныс министрлігінің басшысы Сергей Шойгу мәлімдеді.

Шойгу "Орталық-2019" оқу-жаттығуы 16-21 қыркүйек аралығында өтетінін еске салды.

"Орталық-2019" стратегиялық оқу-жаттығуларына Ресей, Қытай секілді алпауыт мемлекеттердің әскерімен қатар, Қазақстан, Қырғызстан, Тәжікстан, Өзбекстан, Үндістан және Пәкістан әскерилері де қатысады.