Аптап ыстықтан қайтыс болған адамдар саны белгілі болды

2019 жылдың маусым және шілде айларында Францияда 1435 адам қайтыс болды, олардың жартысы - 75 жастан асқандар. 

Алайда мемлекет алдын ала қабылдаған шараларға байланысты өлім-жітім деңгейі 2003 жылға қарағанда 10 есе төмен болды. Бұл туралы BBC News хабарлайды. Денсаулық сақтау министрлігі өкілдерінің айтуынша, 24 маусым мен 7 шілде аралығында Францияда күннің бірінші толқыны кезінде 567 адам қаза тапты. Тағы 868 адам екінші толқын кезінде 21-27 шілде аралығында қайтыс болды. Жұмыс кезінде адамдардың ыстықтан қаза болуының он жағдайы белгілі.

Франциядағы ауа температурасының жоғары болуына байланысты мектептер жабылып, қауіп-қатерді азайту үшін көпшілік іс-шаралар тоқтатылды. Сондай-ақ саябақтар жаздай жұмыс жасап, жүзу бассейндері мен муниципалдық ғимараттарда ауаны салқындату орталықтары ашылған болатын.