Нетаньяху Ресей мен Иран арасына іріткі салуда

Израиль премьер-министрі Биньямин Нетаньяху Ресейдің болашағы үшін басты қауіп радикалды ислам деп санайды. Бұл туралы ол РБК басылымына берген сұхбатында айтты. 

Саясаткер ядролық қару алуға және Таяу Шығысты бағындыруға ұмтылатын Иранның шиит радикалды исламының ең үлкен зұлымдық екенін атап өтті.

- Ақыр соңында ол өзінің идеологиясы мен қаруын тек Израиль мен Батысқа ғана емес, Ресейге де бағыттайды. Өйткені ол біздің ортақ мәдениетімізге қарсы және ол әлемді басқарғысы келеді, - деді Нетаньяху. 

Премьер "үстемдік алуға деген ұмтылыс бүкіл адамзатқа қауіп төндіреді" деп санайды. Саясаткер Ресей мен Иранның қарым-қатынасын бағалап, бұл елмен арадағы көзқарас кейде бір, кейде алшақ екендігін жеткізді.