Ауғанстандағы соғыс: Талибандықтар Трампқа «есігіміз ашық» деді

Бас келіссөзші Шер Мохаммад Аббас Станикзай эксклюзивті сұхбат беру барысында «келіссөздер Ауғанстанды бейбітшілікке қол жеткізудің жалғыз жолы болып қала береді» деді.

Станикзайдың сөздері Трамп келіссөздерді «өлді» деп жариялағаннан кейін бір апта өткен соң хабарланды.

Осы айдың басында екі тарап 18 жылдық қақтығысты тоқтату туралы келісімге жақындаған еді. Трамп талибтердің жоғары лауазымды көшбасшылары мен Ауғанстан президенті Ашраф Ганиді 8 қыркүйекке Кэмп-Дэвидте кездесуге шақырған болатын.

Бірақ 6 қыркүйекте америкалық сарбаз бен тағы 11 адамның өмірін қиған талибтердің Ауғанстан астанасы Кабулға шабуыл жасағаннан кейін «егер олар келіссөздер кезінде атысты тоқтатуға келісе алмаған болса, топтың «келіссөз жүргізуге құқығы жоқ» деген  тұжырымға Трампты итермеледі.

Сейсенбі соңында АҚШ мемлекеттік хатшысы Майк Помпео талибандықтардың соңғы шабуылдарын айыптап, бұл топ «бейбітшілікке шынайы адалдық таныта бастауы керек» деп мәлімдеді.

Станикзай мырза ВВС-ге «Талибан ештеңе жасамады» деп айтып, алаңдаушылықты жоққа шығарды.

- Біздің тарапымыздан айтарым, біздің есігіміз келіссөзге ашық, - деді ол. - Сондықтан екінші тарапта келіссөздерге қатысты өз шешімін қайта қарастырады деп үміттенеміз.

Сонымен бірге Станикзай БҰҰ статистикасына сілтеме жасай отырып, қарапайым халық шығынына «шетелдік күштерді» айыптап, «2019 жылдың бірінші жартысында ауған және американдық күштер көтерілісшілерге қарағанда көбірек бейбіт тұрғындарды өлтірді» деді.

Ол сондай-ақ тұрғын үйлерді паналағаны үшін талибтерді қорғап, нәтижесінде қарапайым ерлер, әйелдер мен балалар қаза тапқан көптеген тікелей шабуылдарға қатысы туралы бас тартты.