Атырау облысының полиция басшысы парамен ұсталды (Видео)

Атырау облысының Полиция департаментінің бірқатар басшылары пара алды деген айып тағылып отыр. Атап айтар болсақ, полиция департаментінің тылды қамтамасыз ету басқармасының автошаруашылық басшысы мен оның орынбасарына қатысты қылмыстық іс қозғалуда.

- Олар жекеменшік компанияның басшысынан автокөлікке қызмет көрсету бойынша келісімді дайындап бергені үшін 2,5 млн теңге пара алған. Ал компания көліктерді жөндегені үшін 37 млн теңгедей қызметақы алмақ болған, - деп хабарлайды жемқорлыққа қарсы іс-қимыл агенттігі.

Тәртіп сақшыларын агенттік қызметкерлері 24 қыркүйек күні пара алу кезінде ұстаған. Полиция бастығының қалтасынан 800 мың теңге, оның орынбасарынан 1 млн 200 мың теңге табылды.

Қазір тергеу амалдары жасалуда. Шешімді сот шығаратын болады.