Францияның бұрынғы президенті қайтыс болды

Францияның бұрынғы президенті Жак Ширак 87 жасында қайтыс болды. 

- Президент Жак Ширак бүгін таңертең отбасының ортасында қайтыс болды, - деді Франс пресс агенттігіне оның күйеу баласы.

Жак Ширак Франция президенті қызметін екі мерзім қатарынан атқарды, 1995 жылдан 2007 жылға дейін. Ол жүргізген басты саяси реформалардың бірі президенттік мерзімді жеті жылдан бес жылға дейін қысқарту болды. Президент болар алдында Ширак ұзақ уақыт бойы (1977 жылдан 1995 жылға дейін) Париж мэрі қызметін атқарған болатын.