Белоруссия Ресейдің әскери базасын орналастырудан бас тартты

Ресей СІМ басшысы Сергей Лавров Белоруссияның өз аумағында ресейлік әскери базаны орналастырудан бас тартуын "жағымсыз жағдай" деп санайды. Бұл туралы ол "Коммерсантъ" басылымына айтты. 

"Бұл шынымен жағымсыз жағдай. Бірақ ең бастысы нысан емес, оның мазмұны", - деді дипломат. 

Ол Беларусь Президенті Александр Лукашенконың Беларусь қарулы күштерінің одақтас елдердің ортақ мүдделері мен ортақ аумағын қорғайды деп бірнеше рет айтқанын еске салды. Лавровтың айтуынша, Мәскеу де Минсканың сыртқы саясатының ұстанымымен 100 пайызға келіспейді, бірақ "бұл ештеңені білдірмейді".