Т.Жүргенов атындағы өнер академиясының ректоры есеп берді

Биыл Т.Жүргенов атындағы қазақ ұлттық өнер академиясының ректоры сайланып, жылдық есеп беру кеші өтті. Есеп беру кеші Жамбыл атындағы филармонияда болды. 

Кездесу барысында Академияда өткен оқу жылы бойынша атқарылған жұмыстар жөнінде есеп берілді. Соның ішінде білім беру үдерісі және оқу орнының әлемдік жаңа білім беру жүйесіне көшірілуі, қол жеткен жетістіктер мен проблемалар, сондай-ақ халықаралық әріптестік байланыстар сөз болды. Сонымен қатар оқу орнындағы тәрбие жұмысы, оқу үдерісін ақпараттандыру, шаруашылық-қаржылық мәселелер қамтылды.

Есептік жиында қатысушылар есеп берушіге сұрақ қойып, нақтылы, тұшымды жауап алды. Сонымен бірге келушілер кездесу алдында вестибюльде ашылған Академия студенттерінің туындыларынан тұратын көрмені және концерттік бағдарламаны тамашалады.

Кездесуге Алматы қаласы жұртшы­лығының өкілдері, студенттердің ата-аналары, қалалық және аудандық әкім­­шіліктердің қызметкерлері, мәслихат депутаттары, еңбек ардагерлері, қаладағы жоғары оқу орын­дарының басшылары, шетелдік елшіліктер мен консулдықтардың өкілдері қатысты.