Өзбекстанның Мемлекеттік қауіпсіздік қызметінің экс-басшысы 18 жылға сотталды

Өзбекстанның Мемлекеттік қауіпсіздік қызметінің бұрынғы басшысы Ихтиер Абдуллаев қылмыстық қоғамдастық ұйымдастырғаны үшін кінәлі деп танылып, 18 жылға сотталды,  деп хабарлайды UNN.

- 27 қыркүйекте Өзбекстанның әскери соты Мемлекеттік қауіпсіздік қызметінің бұрынғы басшысы Ихтиер Абдуллаевқа және ол құрған қылмыстық қоғамдастық мүшелеріне үкім шығарды, - делінген хабарламада.

Республиканың Жоғарғы сотының баспасөз қызметі хабарлағандай, Ихтиер Абдуллаев қылмыстық қоғамдастықты ұйымдастыруға, пара алуға, Өзбекстанның мүдделеріне қайшы мәмілелер жасауға, бопсалау, бөтен мүлікті ұрлауға, кеден заңнамасын аса ірі көлемде бұзуға, ұйымдасқан топ пен қылмыстық қоғамдастықтың мүддесіне және басқа да бірқатар қылмыстарға лауазымды өкілеттігін теріс пайдалану жолымен кінәлі деп танылды. Ол 18 жылға сотталды.

Сонымен қатар, республика әскери сотының үкімімен ӘГБ басшысының бұрынғы орынбасары Джахонгир Игамов 16 жылға бас бостандығынан айырылды. ӘГБ басшысының бұрынғы кеңесшісі Әлішер Ишанходжаевқа - 17 жыл; Ташкент қаласы прокурорының бұрынғы орынбасары Йоркин Абдуллаевқа - 14 жыл; Әділет министрлігінің кадрлармен жұмыс басқармасы бастығының бұрынғы орынбасары Юсуфбой Ходжаевқа - 8 жыл; бас прокурордың экс-орынбасары Гайрат Хидоятовқа - 5 жыл; Жоғарғы сот басшысының бұрынғы орынбасары Баходир Дехкановқа - 5 жыл берілді.

Наманган облысының бұрынғы прокуроры Ұлықбек Тошев белгілі бір мерзімге қызметтік және материалдық жауапкершілікті иелену құқығынан шеттетіліп, 5 жылға бас бостандығынан айырылды.

- Қалған 15 айыпталушыларға да олардың әрекеттерінің ауырлығы мен әлеуметтік қауіптілігі, сондай-ақ олардың жасаған қылмыстардағы рөлі ескерілді,- деп хабарлады соттың баспасөз қызметі.

Айта кететіні, Ихтиер Абдуллаев 2015 жылға дейін мәжіліс сенаторы, 2015-2018 Өзбекстанның бас прокуроры, 2018-2019 жылдары Өзбекстанның Мемлекеттік қауіпсіздік қызметінің басшысы болды.

Ихтиер Абдуллаев осы жылдың 11 ақпанында Мемлекеттік қауіпсіздік қызметінің басшысы қызметінен босатылды. Содан кейін президенттің баспасөз қызметі Абдуллаевтың бір жыл ішінде екі рет омыртқаға ота жасатты деп, «денсаулығына байланысты» отставкаға кеткендігін хабарлаған еді. Алайда келесі күні Мемлекеттік қауіпсіздік қызметінің бұрынғы басшысына қатысты сыбайлас жемқорлық айыптары бойынша іс қозғалғандығы белгілі болды. Бас прокуратура бұл ақпаратты төрт айдан кейін растады.