Қазақстандықтар Дубайға визасыз бара алатын болды

Сауд Арабиясы Корольдіктің тарихында алғаш рет 49 елдің азаматтары үшін туристік визалар жүйесін енгізу туралы жариялады, деп хабарлайды EAdaily.

Ірі араб монархиясының билігі шетелдік компанияларды визалық ырықтандырудан және Сауд үкіметінің басқа да қадамдарынан кейін 2030 жылға қарай елдің ЖІӨ-нің 10%-ын қамтамасыз ететін оның туристік секторына инвестиция салуға шақырды.

Сауд Арабиясының туризм министрі Ахмед әл-Хатиб Эр-Риядтағы баспасөз мәслихатында визаны тек Корольдіктің елшіліктері мен консулдықтарынан ғана емес, әуежайлардан да, сондай-ақ теңіз және құрлықтағы БӨП-ден алуға болатынын хабарлады. Виза берілген күннен бастап 360 күн бойы жарамды болады. Туристер Сауд Арабиясының аумағында үш ай болуы мүмкін. Бір жыл ішінде Сауд Арабиясында болу мерзімі 180 күннен аспауы тиіс.

Ислам дінін ұстанбайтын туристерге бұрынғысынша мұсылмандар үшін қасиетті Мекке мен Мединаға баруға болмайды. 18 жасқа толмаған тұлғалар ата-анасының қарауынсыз Корольдікке бара алмайды. Туристік визаны Сауд аумағында ислам ғибадатханаларына қажылық мақсатында, сондай-ақ медициналық мақсаттарда пайдалануға болмайды.