Перуда парламент таратылды

Перу президенті Мартин Альберто Вискарра Корнехо өзінің Facebook-тегі парақшасында ел халқына үндеу жариялады, онда ол ұлттық парламенттің таратылатынын мәлімдеді.

- Мен Конгрессті конституцияға сәйкес таратып, сайлауды тағайындау туралы шешім қабылдадым. Бұл төтенше шара азаматтарға сайлауға қатысып, дауыс беру арқылы өз позициясын білдіруге және елдің болашағын анықтауға мүмкіндік береді, - деді ол.

Дүйсенбі күні Перу Министрлер Кеңесінің төрағасы Сальвадор дель Солар Конституциялық сот мүшелерін таңдау бойынша атқарушы билік пен заң шығарушы орган арасындағы келіспеушіліктерге байланысты Үкіметке сенім мәселесін Парламенттің қарауына шығарды.

Осыдан кейін парламентшілер Конституциялық сот мүшелігіне бірінші кандидатты мақұлдады. Вискарра бұған дейін егер Конгресс КС мүшелерін сайлау туралы дауыс берсе, сенім туралы шешім қабылданғанға дейін Конгрестен шығарылатынын ескерткен болатын.