Украина үшін үлкен шығын: Волкер отставкаға кетті

АҚШ Мемлекеттік департаментінің Украина бойынша арнайы өкілі Курт Волкер Мемлекеттік хатшы Майкл Помпеоға қызметінен кететіндігін айтты.

Дональд Трамп пен Владимир Зеленскийдің телефон арқылы сөйлесуіне байланысты жанжал әлі күнге дейін күшеюде.

Қазірдің өзінде осы мәселеден Украина да тікелей зардап шегуде. Жанжалдың құрбандарының бірі, отставкаға кеткендігін жариялаған АҚШ-тың Украина бойынша арнайы өкілі – Курт Волкер болды. Волкер – Ресей Федерациясымен қақтығыста Киевтің тұрақты жақтаушысы.

Өкілдер палатасы АҚШ президенті Дональд Трамптың импичментіне байланысты тергеуде осы аптаның ішінде Волкерден жауап алынады деп күтілуде.

Волкердің Украинадан кетуі Трамп пен Зеленскийдің әңгімесінен бірнеше күн өткен соң орын алды. Оның барысында АҚШ президенті, Американың ойлауынша, Джо Байденнің отбасына қатысты тергеу жүргізу туралы украиналық әріптесіне қысым көрсетуге тырысқан.

Өкілдер палатасының басшылары Курт Волкерден жауап алатын болады деп мәлімдеді.

CNN Волкер «Байден жанжалының» басты ойыншыларының біріне айналғанын айтады. Арнаның хабарлауынша, Трамптың адвокаты Рудольф Джулиани мен Зеленскийдің көмекшісі Андрей Ермактың кездесуін ұйымдастыруға Мемлекеттік департаменттің арнайы өкілі көмектескен көрінеді.