Парижде мыңдаған полицей наразылыққа шықты

Акция ұйымдастырушыларының мәліметтері бойынша, 27 мың полицей еңбек жағдайын жақсартуды талап ете отырып, «Қаһарлы маршқа» шықты. Жергілікті полиция «сары кеудешелердің» наразылықтарына байланысты қысымға алынған болатын.

Француз полициясының мыңдаған қызметкері 2 қазан, сәрсенбі күні кешке Париж көшелеріне шығып, жалақыларының аздығына, тиісті уақыттан артық жұмыс істеу және өз қатарларында суицидтің көбеюіне наразылық білдірді.

Франция астанасының шығысындағы еңбек жағдайын жақсартуды талап ететін «Қаһарлы марш» акциясын қолдауға бірден бірнеше кәсіподақ шақырылды. Ұйымдастырушылардың айтуынша, шеруге 27 мыңға жуық полицей қатысты. Бұл – Франциядағы 2001 жылдан бергі алғашқы полицияның жаппай жұмылдырылған наразылығы.

Француз полициясы 2018 жылдың қараша айында «сары кеудеше» наразылық акциялары басталғаннан бері қысым көріп келе жатыр. Осы наразылық акциялары басынан бері полициямен қақтығыстар, зорлық-зомбылық және вандализм актілерімен сүйемелденді. Franceinfo радиостансасының мәліметтері бойынша, жыл басынан бері полиция қызметкерлерінің өзіне өзі қол жұмсауының 50 оқиғасы тіркелген.

Ішкі істер министрі Кристоф Кастанер полицейлердің мазасыздығын түсінетінін мәлімдеді. Ол құқық қорғау органдарының бюджетін алдағы жылы бес пайызға арттыруға және полиция штатын 1400 жұмыс орнына арттыруға уәде берді.