Путин: Азияға Америкадан қару келсе, жауап қайтарамыз

Ресей Азиядағы Орта және аз қашықтықтағы (РСМД) америкалық зымырандардың пайда болуына қарсы. Бұл туралы Ресей президенті Владимир Путин "Валдай" халықаралық пікірталас клубының пленарлық отырысында мәлімдеді, деп хабарлайды ТАСС.

- Бұл Азиядағы жағдайды жақсарта ма? Жоқ, тек нашарлап, жаңа қауіп-қатерлер туындатады, - деді ол түпкілікті шешім қабылданғанға дейін жағдайды реттеуге үміт білдіре отырып.

Бұған дейін Путин АҚШ-тың орташа және аз қашықтықтағы зымырандар туралы шарттан шығуына байланысты әлемдегі жағдай нашарлап кеткенін мәлімдеген болатын.

Ал тамыз айында АҚШ Мемлекеттік хатшысының қару-жарақты бақылау және халықаралық қауіпсіздік жөніндегі орынбасары Андреа Томпсон АҚШ-тың одақтастарымен Азияға орташа қашықтықтағы зымырандарды әкелу жағын талқылайтынын мәлім еткен еді.