Экономика
Бәрі азаматтың зейнетақы қорына жиналған қаржысының сомасына байланысты
Вице-премьер Бердібек Сапарбаев үкімет отырысында азаматтардың зейнетақысы мен оны шешіп алу жолдары жайында тоқталып, қазір арнайы комиссияның жұмыс жасап жатқандығын айтты.
- Арнайы комиссия жұмыс жасап жатыр қазір. Ұсыныстарды дайындап, өткізетін боламыз. Бірақ бұған дейін айтып жүргенімдей, азаматтардың зейнетқыны қордан шешіп алуы, оның сомасы мен рұқсаты – бәрі жинаған қаржысына тікелей байланысты болады, - деп атап өтті Сапарбаев.
Әсіресе, азаматтың зейнетке шыққанға дейін қанша сома жинауы мүмкін – сонысы ескерілетін көрінеді.
- Яғни, жинаған қаржысы азаматтың зейнетке шығуына жеткілікті ме әлде жоқ па – сол жағы маңызды, - дейді Сапарбаев.
Бұған дейін айтқанымыздай, үкіметтік органдар азаматтарға зейнетақыларын беру мәселесін осы жылдың соңына дейін шешуі тиіс.
Bugin.kz
Қосымшаны жүктеп алыңыз
