Алматының сауда үйін жармақ болған «діндар» сотталды

Алматыда лаңкестік ұйымдастырмақ болған ДАИШ содыры ұсталып, 10 жылға сотталды, деп хабарлайды Bugin.kz тәуелсіз авторлар платформасы ҰҚК баспасөз қызметіне сілтеме жасап.

Бітімбаев есімді "жігіт" Қауіпсіздік комитетінің қызметкерлерінің көзіне басында-ақ күдік келтірген. Алматыда үш бірдей сауда орында лаңкестік ұйымдастырмақ деген сыбыс шыққанда, оған тінту жүргізіп, қолынан қару мен өздігінен жарылатын жарылғыш заттарды, сауда үйінің сызбасы бар құжаттарды тапқан.

- Тексеріс кезінде Бітімбаевтың ДАИШ өкілдерімен ғаламтор арқылы байланыс орнатып, Алматыда лаңкестік ұйымдастырмақ болғаны, кейін Сириядағы содырлардың қатарына қосылып, лаңкестікпен айналыспақ ниетте болғаны белгілі болды, - деп хабарлайды ҰҚК.