Трамп: Түркияға санкция енгіземіз

АҚШ президенті Дональд Трамп Конгреспен бірге Түркияға қарсы санкциялар енгізу бойынша жұмыс істеп жатқанын хабарлады. Бұл туралы америкалық көшбасшы Twitter-де жазды.

Трамп сенатор Линдси Грэммен және Конгрестің басқа да мүшелерімен, соның ішінде демократиялық партия өкілдерімен бірге жұмыс жүргізіліп жатқанын хабарлады. 

- Түркияға қарсы "қуатты" санкциялар енгізуді қарастырып жатырмыз, - деп атап өтті ол.

Қаржы министрлігі шектеу шараларын қабылдауға дайын, заңнаманы толықтыру қажет болуы мүмкін. 

Сонымен қатар, Трамп егер Түркияға келісімге келетін болса, онда санкция болмайтынын да ескерте кетті.