Саясат
Германия үндемей қалмайды
Христиан-демократиялық одақтың (CDU) басшысы Аннегрет Крамп-Карренбауэр Ресейдің Қырымды басып алуы жайлы ұстанымын айтты.
Кромб-Карренбауэр Берлин Мәскеумен тату көршілік қарым-қатынас орнатуға ұмтылатындығын атап өтті. Дегенмен Ресейдің түбекті басып алуы халықаралық заңнамаларға қарсы екендігін де айтып өтті.
- Германия үндемей отыра алмайды. Мұның заңбұзушылық екендігін айтуымыз керек, - деді ол Германияның Саарбрюккендегі жастар одағының конференциясында.
Ресей мен Батыс елдері арасындағы қарым-қатынас Украинадағы және Қырым төңірегінде болған жағдайларға байланысты нашарлап кетті. Батыс Мәскеуді араласып отыр деп айыптап, оған қарсы санкциялар салды.
Дегенмен соңғы кездері ЕО-да Ресейге қарсы санкцияларды алып тастауға шақырулар жиілеп кетті. Кәсіпкерлер шектеу шаралары ең алдымен Еуропа елдерінің экономикасына зиян тигізетінін айтады.