Енді Германия Түркияны қорқытуда

Германияның сыртқы істер министрі Хайко Маас Сирияға басып кіргені үшін Түркияға қарсы шара қолданбақ. Бұл туралы Rambler хабарлайды.

Нақтырақ айтқанда, Германия билігі Түркияға қару беруді тоқтатуды жоспарлап отыр. 

- ЕуроОдақ елдерімен де Түркияға қару-жарақ экспорттау мәселесін талқылайтын боламыз. Бәрі Түркияның әрекетіне байланысты, - деді Германия сыртқы істер министрі ARD телеарнасының эфирінде.

Маастың айтуынша, Түркия ЕО-пен жасасқан босқындар жөніндегі келісімді бұзғалы отыр. 

- Біз оны [Түркия президенті Режеп Тайып Ердоғанды] шабуылды тез арада тоқтатуға шақырдық, - деді Германия СІМ басшысы.

Ол Сириядағы түрік операциясы бүкіл аймақты тұрақсыздандырады және маңызды гуманитарлық салдарға алып келеді деп баса айтты.