Т.Жүргенов атындағы ҚҰӨА-да Ардақ Назаровпен кездесу өтті

11 қазан күні, Т.Жүргенов атындағы ҚҰӨА-да, "Рухани жаңғыру" бағдарламасы аясында, жекпе-жектен 3 дүркін әлем чемпионы, Еуразияның 2 дүркін чемпионы, әлем кубогының иегері, Қазақстанға еңбек сіңірген спортшы - Ардақ Назаровпен кездесу өтті. 

Бұл кездесу Елбасының "Ұлы даланың жеті қыры" мақаласындағы "Ұлы даланың Ұлы есімдерін" ұлықтау саясатын қолдау мақсатында өтті. Студенттер чемпионмен ашық сұхбат құрып, өздерін қызықтырған сұрақтарға бетпе-бет жауап алды. 

Бұл шараны Т.Жүргенов атындағы ҚҰӨА-ның шығармашылық және халықаралық қатынастар жөніндегі проректор - Сәкен Майғазиев ұйымдастырды.