Украина мәселесі: Ресей мен Қазақстан келіспей қалды

Ресей Қазақстанның Украинаға транзиттік жолдар арқылы көмір жеткізуіне кедерргі келтіріп отыр. Мұны Еуразиялық экономикалық комиссия айтып отыр. 

Мәскеу мен Нұр-Сұлтан арасындағы келіспеушіліктерді үкіметаралық комиссияда 14-15 қазан күндері талқылау жоспарланып отыр. 

Ресей қазақстандық компаниялардың Украинаға транзитке берген өтінімдерінің кейбірімен келіспейтінін мойындап отыр. Алайда толық қарсылығын білдіріп отырған жоқ. 

Қазақстанның тау-кен өндіруші және тау-кен металлургиялық кәсіпорындары қауымдастығы қазан айында Мәскеудің тек екі компанияның ғана өтінімін қабылдағанын мәлімдеді. Ал қалған өтінімдердің не себепті қабылданбағаны - белгісіз. 

Қазақстан билігі Украина нарығына көмір жеткізілмеуінен ай сайын 11 миллион доллар шығынға батып отыр.