Трамп Ердоғанға телефон соқты

АҚШ президенті Дональд Трамп түрік лидері Реджеп Тайып Ердоғанмен телефон арқылы сөйлесті. Онда ол Сириядағы әскери операцияны тез арада тоқтатуды талап етті, деп хабарлайды Bugin.kz тәуелсіз авторлар платформасы Reuters агенттігіне сілтеме жасап.

- АҚШ Түркияға Сирияға басып кіруге рұқсат берген жоқ, - деді АҚШ-тың вице-президенті Майк Пенс.

Бұған дейін Пентагон басшысы Марк Эспер Түркия президенті Режеп Тайып Ердоғанды Сириядағы гуманитарлық дағдарысты туғызды, сондай-ақ әскери қылмыстар жасады деп айыптаған болатын.

15 қазанда Трамп Түркияға санкциялар енгізетін жарлыққа қол қойды. Бұл шаралар түрік үкіметімен байланысқан адамдарға және бірқатар ұйымдарға қатысты.