Әйелдер үшін ең қауіпсіз елдер тізімі шықты

Норвегия әйелдер үшін өмір сүруге ең қауіпсіз және ыңғайлы ел деп танылды. Мұны National Geographic журналы жариялады.

Әйелдер, бейбітшілік және қауіпсіздік индексі (WPS Index) 2017 жылдан бастап жасалып келеді. Рейтингке National Geographic-тен бөлек Джорджтаунның "Әйелдер, бейбітшілік пен қауіпсіздік институты", "Осло бейбітшілік зерттеу институты" да қатысты.

Рейтингті қалыптастыру үшін үш негізгі көрсеткіш қолданылды: әлеуметтік-саяси және экономикалық өмірге араласу, қауіпсіздік және әділеттілік.

Жалпы рейтингте әлемнің 167 елінің ұстанымдары есептелген. Бірінші орында Норвегия, одан кейін Швейцария мен Финляндия. Үздік бестікке сонымен қатар Дания мен Исландия енді.

Ресей бұл тізімде Грекиямен 50-ші орынды бөліседі. Украина 105-ші орында.