Пайданы ғана көздейді: Тоқаев Ұлттық банкті сынға алды

Ұлттық банк пайда табуды ғана мақсат етіп, азаматтарға кәсіп ашуға несие берудің орнына тұтынушылық несиені беруге бет бұрып кетті. Осылай деп сынады Ұлттық банкті мемлекет басшысы Қасым-Жомарт Тоқаев экономикалық мәселелер жөнінде кеңесте.

– Ұлттық банк осы саясатқа шұғыл өзгеріс енгізуі тиіс. Қаржы реттеушісінің мәліметі бойынша, экономиканың әр секторының 50 пайыздан астамы – банктердің мүдделерін көздейтін орнықты әрі қаржылай тәуелсіз кәсіпорындар. Алайда олар банк несиелерін тартуға құлықсыз. Неге? Мүмкін коммерциялық банктер белгілейтін шарттарды ол кәсіпорындар тартымсыз деп санайтын шығар. Қаржы секторының тұрақтылығын қамтамасыз ету мен нақты секторды несиелеуді дамыту туралы таңдаудың алдында тұрған Ұлттық банк тиімді шешімдер қабылдауы керек, – деді Мемлекет басшысы.

Ақорда