Алматыда мас жүргізуші екі адамның өмірін қиды

Алматы қаласының орталығында төрт автокөлік соғылып, екі адам қайтыс болды. Жарақат алған тағы алты адам ауруханаға жеткізілді.

Алматы қалалық Полиция департаментінің мәліметінше, ауыр жол-көлік апаты кеше түнде болған. БМВ көлігінің жүргізушісі рөлге ие бола алмай, "Ауди" көлігімен соқтығысып, қарсы бетте шығып кеткен. Содан бетпе-бет келе жатқан Субару мен Тойота көліктеріне барып бір-ақ соғылған. Кейін белгілі болғандай, БМВ көлігінің 20 жастағы жүргізушісі мас әрі есірткі шеккен болып шықты. 

Апат фактісі бойынша қылмыстық іс қозғалды, BMW көлігінің жүргізушісі ұсталып, уақытша абақтыға қамалды.