Түркия АҚШ-қа жауап қайтарады

Түркия америкалық санкцияларға жауап берудің жолдарын қарастырып жатыр. Бұл туралы "Известия" газеті хабарлайды.

Атап айтқанда, депутат Өзтүрік Йылмаздың айтуынша, егер АҚШ санкция салуға қадам жасаса, онда түрік билігі "Инджирлик" әскери базасындағы америка сарбаздарын қысқартуды талап ететін болады. 

Бұл нысан Түркияның Сириямен шекарасынан 130 шақырым жерде орналасқан, сондай-ақ америкалық ядролық қару орналасқан Таяу Шығыстағы жалғыз база болып табылады.

Заң шығарушының пікірінше, мұндай шектеу Вашингтон үшін "әсерлі" болады, алайда екі елдің қарым-қатынасын бұза алмайды.