Хулуси Акар: Біздің әскеріміз дайын

Егер Түркияға берілген уәделер орындалмаса, Анкара Сирияның солтүстігіндегі әскери операцияны қайта бастауға дайын. Бұл туралы Түркияның Қорғаныс министрі Хулуси Акар мәлімдеді.

Оның айтуынша, америкалық тарап түрік-сирия шекарасынан күрд күштерін бөлу бойынша өзіне алған міндеттемелерді орындауы тиіс. Акар операцияның күші жойылмағанын, тек бес күндік мерзімге тоқтатылғанын еске салды.

- Осы уақыт ішінде террористер қауіпсіз аймақтан шығарылып, ауыр қару-жарақтарын тапсыруы керек, олардың бекіністері жойылуы керек. Егер бұл орындалмаса, операция жаңа күшпен жалғасады. Бұған біздің әскерлер толығымен дайын, - деді мекеме басшысы.