Қазақ - салт-дәстүрін сақтап қалған ел

Қазақ халқы неткен дана әрі кеменгер халық десеңізші. Басынан ұлт зиялыларын жалған жаланы желеу етіп атып, алқымнан аштық қысып, кеудесіне найза түйреп, жастарын қыршыннан қырса да, осыншалықты қиын кезеңді басынан өткерсе де, сал-дәстүрін, ата-баба жолын еш бұзған емес.

Керсінше одан әрмен нығайта, күшейте түсті. Нығаюының дәлелі - бәлен жыл  өзге мемлекеттің боданында болып, кейін өз егемендігімізге қол жеткізгеніміздің өзі айтуға жарап жатыр. Тәуелсіздік алғанымыз үшін әуелі Жаратушыға, екінші Елбасымызға алғыс айтқанымыз артық болмас.

Ежелде бабаларымыз осы күнге жетуді арман еткен еді. Біз бақытты ұрпақ аталарымыз армандаған дәуірде өмір сүріп жатқан қандай бақытты едік.

Салт-дәстүріміз бірлікке және де ынтымақтылыққа үндейді. Қандай да бір дәстүрді алып қаралық. Мысалға тұсау кесер, кішкене баланың тәй-тәй қадам басқанына арналып өткізетін рәсім. Негізгі мақсаты қандай? Әрине, ынтымақтылыққа, бауырмашылдыққа үндеу. Сырға салу, кұдалық, үйлену тойы т.б.

Жаратушы бізді ынтықмақтан, бірліктен, ұйымшылдылықтар айырмасын.