Қытай кәсіпкері кісі өлтіру үшін 5 киллер жалдаған

Қытайлық кәсіпкер кісі өлтірушіні жалдайды, ол басқа бір киллерді жалдайды – осылайша бес киллер бір-бірін жалдаған.

18 қазанда Қытай соты жергілікті кәсіпкерге қастандық жасамақшы болған деген айыппен алты айыпталушыға үкім шығарды.

Қылмыстық оқиға әлеуметтік желілерде "Қытайдың бүгінгі күнгі ең басты жаңалығы" ретінде тарады: "жосықсыз бәсекелестік және бір-біріне бір тапсырысты сатқан бес киллер".

Бұл іс 2013 жылы басталады: Наньин қалалық округінің тұрғыны, жылжымайтын мүлік компаниясының қожайыны Тан Юхуэй (Tan Youhui) Вей есімді қарсыласының көзін жою үшін кісі өлтірушіні жалдайды. Бұған дейін Вэй Юхуэйді сотқа берген көрінеді.

Си Гуаньгань (Xi Guangan) есімді кісі өлтіруші бұйрықты өзі орындайды деп ойлайды. Юхуэй оған 2 миллион юань (шамамен 110 миллион тенге) қолма-қол ақша төлейді, сонымен қатар Вэйдің құжаттарының көшірмесін, телефон нөмірі мен нөмір белгілерін береді.

Бірақ киллер оқиға тізбегін іске қосу арқылы тапсырысты орындамайды. Гуаньгань 2 миллион юаньнің жартысын өзіне қалдырып, қалған ақшаға Вэйді өлтіру үшін басқа өлтіруші Мо Тяньсянді (Mo Tianxiang) жалдайды.

Екінші киллер де бұйрықты орындамай, үшінші киллерді 270 мың юаньға жалдайды;

Үшінші киллер аутсорсинг желісін жалғастырып, төртінші киллерді жалдайды - 200 мың юаньға;

Вэйді өлтіру үшін төртінші киллер Линь Сянси (Ling Xiansi) есімді қытайлық адамға 100 мың юань ұсынады. Сянси тапсырыс сатылымындағы бесінші киллер болады.

Линь Сянси 100 мың юань үшін «қолды былғаудың» қажеті жоқ деп ойлайды. Сондықтан 2014 жылы (тапсырыс бір жылға жуық уақытқа созылады), ол Веймен байланысып, оның өлімін өтірік сахналауға шақырады.

Вей оның орнына полицияға барады, осылайша кісі өлтіруді ұйымдастыру тізбегіне қатысқан барлық алты адам қамауға алынады.

Нәтижесінде, кәсіпкер Тан Юхуэй 5 жылға қамалса, бірінші киллер - 3,5 жыл, екінші және үшінші киллер - 3 жыл 3 ай, төртінші киллер - 3 жыл, бесінші киллер - 2 жыл 7 ай мерзімге бас бостандығынан айырылды.