Илон Маск АҚШ-та сот алдында жауап береді

«SpaceX» басшысы Элон Маск желтоқсан айында Лос-Анджелесте британдық сүңгуір Вернон Унсвортқа қарсы жала жапқаны үшін сот отырысына қатысады, деп хабарлайды Los Angeles Times.

Дүйсенбі күні судья Стивен Уилсон кәсіпкер Илон Масктың сот ісінен бас тарту туралы өтінішін қабылдаудан бас тартты және қазылар алқасы Масктың британдық сүңгуірге қатысты сот ісіне немқұрайлы қарағаны туралы шешім қабылдайтынын бекітті. Судьяның айтуынша, Масктың айыптаулары, қорғаушы мәлімдегендей, Уснвортқа қатысты кез-келген қоғамдық дауға қатысты емес.

- Біз сот процесін асыға күтудеміз... Біз білетіндей, Маск кешірім сұрағанына қарамастан, Унсворт 15 минуттық атақтың арқасында ақша жасап алғысы келеді, - дейді кәсіпкердің адвокаты Алекс Спиро.

Унсворт 2018 жылы маусымда Тайландтағы су басқан үңгірден 12 бала мен жаттықтырушыны құтқару үшін кең ауқымды операцияға қатысты. Маск және оның SpaceX компаниясы Тайландқа қондырғыларының шағын қайығын жіберіп, сүңгуірлерге көмектесті. Унсворт сұхбатында қайық еш пайдалануға келмейтінін және бұл жай PR іс-шара екенін, ал Маскке «қайығын бір жеріне тығып қойсын» деді.

Осыдан кейін, Маск Унсуортты бірнеше рет балалар педофилі және зорлаушы деп айыптады. Америкалық журналистерге жазған хаттарында Маск Унсворттың Таиландта кәмелетке толмаған қызға үйлену үшін арнайы қоныстанған деген теориясын алға тартты.

Сынның астында қалған Маск твиттердегі жазбаларын жойып, кешірім сұрап, өзінің жазғандарын тек эмоциялар әсерінен жасағанын мойындады. Алайда Унсворт оны сотқа берді және оған зиян келтірген ақпаратты жоққа шығаруды және 75 мың доллар көлемінде моральдық зиянды өтеуді талап етті.