АҚШ-Қытай келісімі жүзеге аса ма?

АҚШ президенті Дональд Трамп пен ҚХР Төрағасы Си Цзиньпиннің сауда келісімінің бірінші бөлігіне қол қойылатын кездесу орны жақын арада жарияланады. Бұл туралы Ақ үй басшысы Twitter-де айтты.

Оның айтуынша, бірінші кездесу барысында тараптар мәміленің 60 пайызын қамтитын келісімге қол қояды. Жаңа орынды Тынық мұхиты елдерінің экономикалық саммиті бұзылғаннан кейін іздеуге тура келді.

Трамп және Си Цзипьпин 16-17 қарашада Чилиде келісімшарт жасаспақ болған. Бірақ Оңтүстік Америка елінің президенті Себастьян Пиньера елдегі жаппай тәртіпсіздікке байланысты, саммит болмайтынын хабарлады.