Қызанақ, сүт, жұмыртқа: Әжімді кетірудің 8 тәсілі

Назарларыңызға әжімнен құтылуға көмектесетін 8 қару ұсынамыз.

1. Қызанақ (помидор). Құрамында дәрумен мол болады, оның ішінде С дәруменінің құрамы көкөніс түрі бойынша алдыңғы орында. Мұндай дәрумен теріге өте пайдалы. Ондағы мол А дәрумені теріге серпін беріп, тері клеткаларының семіп кетуден қорғайды. Қызанақты ұсақтап турап, жаншып шырынын шығарып алып, оған азырақ бал араластырып бетке жақса, әжімді тіпті жақсы кетіреді.

2. Мандарин. Мандарин құрамындағы В дәруменінің теріні жию мен жұмсартуға пайдасы көп. Мандаринді қабығымен жаншып, спиртке шылап, біраз бал қосып, бір апта қойып, бетке жақса, теріні жұмсартуға және әжімды кетіруге өнімі болады.

3. Банан. Бананды езіп, оған жарты қасық зәйтүн майын қосып, біркелкі араластырып, бетке жақса, әжімді кетіреді.

4. Талшын. Талшын жемісінің дәнін ұнтақтап алып, балға араластырып, батке жақса, теріні үлбіретіп, бетті жылтыратады.

5. Сиыр сүті. Бет жуған соң сиыр сүтін жағып, иектен өрлей массаж шөткімен айналдырып массаж жасап, сиыр сүтін теріге толық сіңірсеңіз, беттің қан айналысын тездетіп, терінің қоректенуін жақсартып, оттегімен қамдау мөлшерін жоғарылатады. Сонымен тері әуелгідей серпімді қалыпқа келеді, жүзіңіз нұрланып, әжіміңіз азаяды.

6. Жұмыртқаның ағы. Азырақ жұмыртқа ағына жаңа сауылған сүт, бал және ұн қосып араластырып, қоймалжың ботқа жасап, бетке тегіс жағады. 15 минут өткен соң жуып тастаса, теріні жұмсартады, жияды, әжімін кетіреді.

7. Бөрттіріліп пісірілген ақ күріш. Бөрттіріліп піскен ақ күрішті ыстықтай сықпалап алып, онымен бетті күріш майланып, қарайғанша ысқыласа, тері көздеріндегі май мен кірді тартып алады, артынан таза сумен жуып тастаса тері көзі ашылып, жақсы тыныстап, әжім азаяды.

8. Балықтар. Әсіресе, терең теңіздегі балықтар, айталық, үшжолақ сияқтылар. Үнемі жеп тұрса, әжімді кетіріп, шырайды ажарландырады, қан қысымын төмендетеді, жүректі, буынды және ұйқы безін қорғайды, қандағы қант құрамын тұрақтандырып, көңіл-күйді серпілтеді, зейін-зердені арттырып, ғұмырды ұзартады.