Путин: орыс тіліне ұлтшылдар мен "үңгірден шыққан орыс жаулары" соғыс ашуда

РФ президенті Владимир Путин Орыс тілі жөніндегі президенттік кеңес отырысында орыс тіліне деген қысымның күшейгенін мәлімдеді. 

- Бүгінгі таңда әлемде орыс тіліне қысым жасау артып келеді. ТМД елдерінде орыс тіліне әр елдің ұлтшылдары мен "үңгірден шыққан орыс жаулары" соғыс ашуда. Олар адамдарға туған тілін, оның мәдениетін оқытуға тыйым салуда. Бұл дұрыс емес, - деді Ресей басшысы Путин кездесу барысында. 

Орыс тіліне деген қызығушылық Ресейдің экономикасы қуатты болса ғана артатынын РФ басшысы жақсы түсініп отыр. Сонымен қатар Путин Ресейдегі өзге ұлттар ұлттық тілдерін оқумен қатар, орыс тілін міндетті түрде үйреніп шығуға тиістігін жеткізді.