Моралес Боливиядан Мексикаға ұшып кетті

Халықтың наразылығынан отставкаға кеткен Боливия экс-президенті Эво Моралес бүгін елден қашып кетті. Бұл туралы твиттерде Мексиканың сыртқы істер министрі Марсело Эбрард хабарлады.

Ол қазіргі халықаралық конвенцияларға сәйкес, Моралесті Мексика қорғауына алатындығын атап өтті.

- Оның өмірі мен денсаулығына қауіп төніп тұрған жоқ, - деп қосты министр.

Моралес бұдан бұрын елден кететіндігін, оған саяси баспана берген Мексикаға баратындығын хабарлаған еді. Сонымен бірге ол «бұдан да көп күш пен қуат алып, тезірек оралуға» ниет білдіретіндігін де жеткізді.